تداول مستخدمون لمواقع التواصل الاجتماعي تعليقات نسبوها لأيمن يونس نجم الزمالك السابق، ردا على تسريب أمير مرتضى منصور المشرف على فريق الكرة بالنادي.
وكان تسريب أمير مرتضى منصور انتشر ليل الثلاثاء وشمل عدة ألفاظ نابية تجاه بعض الشخصيات بينهم أيمن يونس (يمكن الاطلاع عليه بالكامل من هنا).
وتداول مستخدمي منصات التواصل الاجتماعي 3 تعليقات أحدها فقط حقيقي.
التعليق الأول: “يا كابتن سيف سيببك من الشتيمة، بص على استراتيجة أمير في توزيعها، شوف ازاى قدر يخلق تناغم وايقاع، ده غير فكرة التحولات في حد ذاتها بسرعة وديناميكية كبيرة بين أكثر من منافس في مكالمة واحدة، كنا محتاجين كزملكاوية نحس بده، الموضوع كان محتاج شوية تأمل، قد يكون الاتزان النفسي والذهني مش أفضل حاجة، لكن أنا متأكد ان التسريبات الجاية هيكون فيه تطور من كادر رائع ينتظره مستقبل كبير في الزمالك، هو ده اللي هيوصلنا لمرحلة الرضا اللي يظبط جوانا التزامن البيولوجي مع استقبال الإهانة ومحاولة استخلاص مكاسبها”.
أما التعليق الثاني”يا كابتن سيف الشتيمه عشان تبقى لازقة فيك لازم تبقى فيها ديناميكية ومرونة فى الأداء، غير أن أمير طبعا اللى كان حافظ الشتايم بشكل رائع وسلسل للغاية وبيعرف ينقل استراتيجية الأدوار مابين أحمد جلال وخالد لطيف وده يبين قد ايه احنا أمام بودرجى وكادر رائع لمستقبل الزمالك”.
تعليق أيمن يونس على تسريب أمير مرتضى منصور
أما التعليق الوحيد الحقيقي لأيمن يونس على تسريب أمير مرتضى منصور، فهو: ” اكيد حا اعرف اخد حقي و حق امي ..ما تقلقش، احنا اتربينا و عشنا محترمين طول عمرنا..و كونا مش بنطبل او بنهلل …يبقي ده مش عيب فينا…”.
وتابع: ” احنا رجاله و أكيد حا اعرف أخد حقي و حق أمي و أولادي، المستشار أحمد جلال بيقولي احتمال فيك. تركيب يقصد، وانا بقوله المحكمه هي اللي تفصل..عزيزي، احنا اتربينا محترمين سفراء مهذبين ل نادي الزمالك و مصر و لعبه كره القدم..بس ولا بنهلل و لا بنطبل..و الاهم ما بسبش حقي.فما بالك بحق أمي”.
تفريغ النص الكامل لفيديو تسريب أمير وأحمد مرتضي منصور
- أحمد مرتضى منصور: أيوة يا أمير
- أمير مرتضى منصور: بقولك إيه، إنت موضوع النائب دا ضامنينه ولا؟
- أحمد مرتضى منصور: اشمعنى؟
- أمير مرتضى منصور: مش عايزك تخش في الريس كدا زي المرة اللي فاتت، أصل دي حتلخبط كل حاجة فاهم؟
- أحمد مرتضى منصور: حتلخبط كل حاجة إزاي بقى؟
- أمير مرتضى منصور: يعني مبدئيا الناس بنت (….)، الناس أصلا رفضت الفكرة قبل كدة، بس أبوك زودها لما شتم الواد، تمام؟
- أحمد مرتضى منصور: امممم
- أمير مرتضى منصور: اللي نزل ديلوتي هشام نصر دا، تمام؟ أبوك حيبتدي يجاملك، عشان عايز يركبك، فيروح خابط في الراجل دا بردو.
- أحمد مرتضى منصور: خبط فيه أصلا دا شتمه
- أمير مرتضى منصور: تمام.. يخبط في بقى لحد تاني غيرك، فاهمني؟
- أحمد مرتضى منصور: طيب حقولك على حاجة أنا فكرت في أيمن يونس.
- أمير مرتضى منصور: لا ابن (…..)، ابن (…..) حيضايق أبوك جوة يعني.. فاهم؟.
- أحمد مرتضى منصور: لا خلي بالك أيمن يونس مش استايله كدة، كلمت محمد صلاح قال لي أنا مش عضو.
- أمير مرتضى منصور: انا بالنسبة لي في الأسماء اللي انت قلتها دي، عادي خالد لطيف يبقى نائب، نفس بروفايل أحمد جلال إبراهيم كدة (…..) مبيعملش حاجة، مش عارف ايه، وانت ياباشا راجل في السيف سايد.. تبقى بنت (…..) ياحمد لو منجحتش، حاتبقي هوجة بنت (…..) من ناحيتين، الناحية الأولى أبوك حيتجنن فاهم؟، وحيشد في شعره ويغلط ويخبط في الناس ويخبط في اللي نجح، طب ليه يبقى كدة خسرنا مكانين. يعني خسرناك في المجلس وبقى في نائب معانا.
- أحمد مرتضى منصور: ممم
- أمير مرتضى منصور: طب مانعملها بقى بشياكة، نائب معانا وأحمد في المجلس، زي مانا كدة برة وليا صلاحيات رئيس نادي أصلا. مالهاش لازمة خالص ياحمد أنا بقولك وجهة نظري، معرفش إن بكرة آخر يوم، بابا اللي قالك ولا دي فكرتك؟
- أحمد مرتضى منصور: بابا بس كانت فكرتي بردو
- أمير مرتضى منصور: فكرتك دي ياباشا يوم حتنزل انت رئيس، طول مانتا مع بابا في المجلس الناس مش حتقبلك رقم ٢، الشعب كدة وتركيبته كدة، الناس كانت بتتعاطف معانا (….) واحنا برة.
- أحمد مرتضى منصور: مممممم
- أمير مرتضى منصور: عارف لو أنا وانتا؟ تمشي، في يوم من الأيام قالك دا رئيس ودا نائب ياعم عيال دي شاطرة وناجحة، اللي حينزل قدامك دا بابا حيطلع (….) أمه، فاهم؟
- أحمد مرتضى منصور: مممم
- أمير مرتضى منصور: فحيصحي الميت، فاهم؟، واحي حيبقى ميت أصلا فحيصحيه، بص ياحمد لو انت بكرة مرشح نفسك عضو مجلس إدارة وهوا (….) الشخص دا الشهر الجاي كله، هوا (….) لمصلحة واحد تاني غير ابنه، غير كدة (٠٠٠٠) عشان الراجل دا موقفش جنب الزمالك لما كان رئيس اتحاد السلة.
- أحمد مرتضى منصور: بص هوا أنا حسبتها ازاي يا أمير، إن مفيش حد نازل، الراجل دا متعلم عليه في الموضوع اللي انتا قلت عليه.
- أمير مرتضى منصور: أحمد بقولك ايه انت لو كنت نازل قدام هاني العتال، راجل لراجل لوحدك قدام أي رئيس غير أبوك، كنت (….) حتى لو صرف مليار. انت محطوط في الكورنر دا غصب عنك مش حتعرف تطلع منه.
