كرة مصرية

أحمد الطيب مهاجما مرشح زملكاوي: اسمه الأهلي مش المنافس

هاجم المعلق الرياضي أحمد الطيب، أحد المرشحين في انتخابات نادي الزمالك، دون الكشف عن هويته، بسبب عدم ذكر اسم النادي الأهلي خلال حوار تلفزيوني.

وكتب الطيب عبر حسابه على موقع «فيس بوك»: «يعنى إيه النادي المنافس؟ منافس على إيه بالظبط؟ أنت تقصد الأهلي قول النادي الأهلي، وقول اللي عايز تقوله والكلام يكون معروفا لمين وعلى مين!».

وأضاف: «بلاش شغل الخوف والقلق اللي ما ينفعش من مسؤول في نادى الزمالك مهما كان منصبه خايف تبقى تروّح يا سيدى وما تقعدش تطلب شغل أو منصب في النادى إجمد كده».

وأكمل: «هما هاريينك تريقة وتقليل من شأنك وإهانة لجمهورك ورموزك ولاعبيك وأنت سعادتك جاي علشان تقول المنافس ده اسمه ضعف وعدم مواجهة وتحمل المسئولية مكانك البيت أنت وغيرك».

وأتم: «ده سيف زاهر بيقولها وشّ عايزين مين من الزمالك. زيزو ولا فتوح ولا الإثنين وتيجى أنت تقوللى المنافس، إجمد كده يا جدع أنت وراك جمهور استثنائى بيفهم. أيوه بيفهم كفاية عليك إنه يحترمك دى بس بالدنيا».

وستقام انتخابات نادي الزمالك في العشرين من أكتوبر الجاري.

مقالات ذات صلة

زر الذهاب إلى الأعلى