كشف أحمد عيد عبدالملك لاعب الزمالك السابق كواليس ميركاتو الزمالك الصيفي.
وقال عبدالملك: “كل الي يهمني استقرار الفرقة و نحافظ عليها و علي اللاعيبة كنا بنعمل صفقات و نحاول نساعد الناس بس مفيش حاجة تمت و الميركاتو قفل هنعمل ايه خلاص الفرقة عندها ماتش يوم السبت الجاي و انا عارف و متأكد ان الناس بتشتغل و الدنيا كانت فيها بعض المشاكل جوة الفرقة من تجديد عقود و تعديل عقود و ترضيات للمجموعة الي موجودة كلها و اللاعيبة في خلال الفترة دي هتاخد مستحاقتها كمان القديمة الي المفروض كانت اتدفعت من زمان و الجديدة مقدمات العقود هياخدوها و دي حاجة مهمة “.
وواصا: “القصة بقي بالنسبالي مش تعاقدات علي الفاضي الاهم المراكز الي احنا عاوزينها مش كل اسم يتعرض عاوزين نجيبه بالنسبالي انا او بمعني ادق احتياجات الفرقة دفندر و صانع لعب بس و ده الي حاولنا نتحرك فيه الفترة الي فاتت و الدنيا باظت لعدم اقتناع باتشيكو بأمير عادل و عارفين موضوع الشيخ باظ ليه و موضوع عبد العاطي مفيش سيولة و فضلو يأجلو القصة لشهر اتنين”.
وختم: “خلاص مفيش قدمنا اي حل غير ننتظر و الدوري يوم السبت و الناس هتبان مين مع الزمالك و مين مع الاشخاص و انا ميهمنيش اي شخص كان موجود قبل كدة او موجود دلوقتي من الاخر مش هسقف لحد غير لما ينجز زي مرتضي منصور كان عندي مشاكل الدنيا و الاخرة معاه و كنت بسقفله اما بيعمل حاجة حلوة للزمالك”.
