فتحت قناة الزمالك النار ضد النادي الأهلي، واتهمته بالاستفادة من الأخطاء التحكيمية خلال الموسم الحالي، وذلك باتفاقات خارج الملعب.
وقال كريم أبوحسين مقدم البرنامج الرئيسي عبر قناة الزمالك الرسمية: “الجميع يشكو من التحكيم في الموسم الحالي، تعليق مباراة لمدة 25 دقيقة، وهناك من هدد بالانسحاب، والبعض يصيح من القرارات التحكيمية، والبعض يخسر مباريات بفعل فاعل وبحكام لا يصلحوا بتلك الأخطاء أن يكونوا في الدرجة الرابعة”.
وتابع: “إلا ناد واحد ليس له أي قرار ضده، ناد واحد كل القرارات لصالحه، يتم ظلم الجميع من أجله، آخرها مباراة سيراميكا والخطأ الكارثي لحكم تقنية الفيديو”.
وواصل عبر برنامج “زملكاوي”: “تلك هي المباريات التي تنهي البطولات، وهذا هو حسن شحاتة بتاع زمان، وأسأله كحكم هل ضميره مرتاح؟ ماذا استفدت من ظلم النادي”.
وتابع: “دا حتى الدوري خلصان، لا فيوتشر ولا بيراميدز والزمالك في مشاكل، مفيش حد بيهدده، والمنافس مش محتاج اللي بتعملوه دا، حتى لو خسر الماتش دا حياخد الدوري، ليه الخوف وإنك عايز تخلصه بدري بدري وعايز توديه يلعب الوداد وأعصابه هادية”.
وأردف: “حقق العدل وحقق القرارات التي ترضي ربنا وترضيك أمام الناس مش بالفجاجة دي وبالطريقة دي، ولو جبت قرارات زي كدة من أول الدوري مش حخلص، حعرض نماذج بس”.
وتحدث عن مباراة الأهلي وسيراميكا في الدور الأول: “كان كسبان وفاضل ربع ساعة، وركلة جزاء وهمية، أقسم بالله وهمية لا التماس ولا احتكاك، هوا واخد القرار ونازل من قبل الماتش عارف لازم يحصل واحد اتنين تلاتة”.
وقال كريم أبوحسين: “بنتكلم عليكم كتير عشان انت بتسلبني حقي، لو انت ماشي معايا بمبدأ تكافؤ فرص، والأخطاء اللي عليك هيا اللي عليا والتحكيم اللي عليك هوا اللي عليا مش حجيب سيرتك، لأن المنافسة شريفة، لكن للأسف إنت مش معتاد على دا”.
وتابع: “انت لازم الاحتواء دا ولازم الأخطاء والمجاملات، ولازم التحكيم دا، عشان كدة أنا شاغل نفسي بيك عشان انت واخد حق مش حقك وبتسلبلي حق أنا مش عارف اخده، لكن انت أصلا مش شاغلني”.
وواصل: “لا أتحدث عن باقي الأندية، لأن الأمور لا يتم التخطيط لها خارج الملعب”.
واستعرض ركلة جزاء الأهلي ضد سيراميكا ووجود أكثر من لاعب داخل منطقة الجزاء وعدم إعادتها، وكذا إنهاء المباراة وهناك هجمة لنفس الفريق.
واستعرض مباراة الأهلي وبيراميدز في نهائي كأس مصر والتي أقيمت قبل 52 يوما، وقال إن حسين الشحات كان صد الكرة بلمسة يد تستحق ركلة جزاء ضد الأهلي.
وعن مباراة إنبي، قال إن هناك ركلة جزاء واضحة وضوح الشمس، مضيفا: “لكن طبعا السماعات شغالة والتوجيهات شغالة، والزن ع الودان”.