“جاسوس في قلب الأهلي”.. حسين لبيب يفتح ملف إمام عاشور ويطرح “السؤال الممنوع”

فتح حسين لبيب رئيس نادي الزمالك السابق، ملف إمام عاشور لاعب الفريق الذي انتقل لميتلاند البلجيكي ومنه لصفوف المنافس الأهلي المصري.

وتولى حسين لبيب رئاسة نادي الزمالك لفترة انتقالية بعد عزل مرتضى منصور قبل نحو عام.

وعلى طريقة زرع الجواسيس، أكد حسين لبيب أن إمام عاشور زملكاوي للغاية، رغم انتقاله للقلعة الحمراء.

وقال عبر “كلوب هاوس”: “إمام عاشور زملكاوي جداً ومينفعش الجمهور يقلب عليه”.

السؤال الممنوع في ملف إمام عاشور

وشرح ما حدث معه قائلا: “كنا عملنا بند معاه في عقده لما جدد أي عروض تلفزيونية زي رامز جلال تيجي الزمالك ياخد 25% نسبة”، طارحا السؤال الذي لم يتم مناقشته إعلاميا حتى الآن: “معرفش ليه محدش وثق عقده”.

وأردف: “عبدالله جمعة اتوثق عقده وهو في نفس الوقت مجدد مع إمام.. ليه ما اتوثقش عقده معاه”.

وواصل: “قصة إمام عاشور كلها ردي عليها تم التصرف بشكل خاطئ من البداية للنهاية، إمام زي زيزو لولا إننا جددنا لزيزو مكنش حد هيلاقيه انهاردة، التجديد ده اللي مقعد زيزو لغاية دلوقتي”.

وختم: “إمام عاشور بيعشق حاجة اسمها الزمالك، واحد أنا عارف إنه مخلص وبيحب النادي ومش قادر أدافع عنه إلا لما أعرف الظروف والتفاصيل”.