خصص الإعلامي خالد الغندور نجم نادي الزمالك السابق صفحته على موقع التواصل الاجتماعي “فيسبوك” لمهاجمة النادي الأهلي واستفزاز جماهيره.
وخلال آخر 15 منشورا عبر صفحته، ومنذ عودته لقناة الزمالك مرة أخرى، نشر الغندور 15 منشورا، من بينهم 2 فقط يتعلقان بناديه، وليس فيهما اسم الأهلي.
الأول كتب قائلا: ” بعد 4 سنوات هروب، مصير قرار تقسيط غرامة كهربا مع لجنة الدكتور عماد البناني، وتوقيت انتخابات مجلس الإدارة الجديد لنادي الزمالك”، مع إضافة فيديو لبرنامجه عبر إذاعة أون سبورت إف إم، فيما أعلن في المنشور الثاني وفاة سعيد الجدي كابتن الزمالك السابق.

أما الـ13 منشورا الآخرين فكانت منشوراته كالتالي بحسب المنشور أولا:
- مسافر ومعاه قايمة كبيرة جدًا، هل فيه سبب خفي؟ قرار غريب من الأهلي بإلغاء مباراته الودية مع الفريق النمساوي الذي يلعب في الدرجة الثانية
- بيرسي تاو ينضم لمنتخب جنوب افريقيا المفروض الاهلي يقدم طلب لإتحاد جنوب افريقيا إعفاءه من الذهاب عشان الاهلي عنده ماتش السوبر
- هو فين عقوبة انسحاب الزمالك من السوبر و فين عقوبة انسحاب الاهلي من كأس الرابطة و دي بطولات رسمية مش ودية و الاثنين مؤهلين لكأس النخبة
- بعد بيرسي تاو علي معلول تم استدعائه من قبل منتخب تونس
- كلنا مع الاهلي بس يا تري الاهلي معانا كلنا و الانسحاب حلال و لا حرام و بيرسي و معلول هيلعبوا ضد اندية بلادهم و المنتخب اهم و لا النادي اهم و من يغير المواقف علي المزاج و لا هناك مبدأ عام يمشي علي الكل و ايه الاخبار يا بتوع اللوائح
- اعلي و اجمل معاني التسامح في الاهلي انك تعطي امام عاشور رقم القديس ابو تريكة ٢٢
- اقسم بالله. المصادر دي مغيبة و بتضحك علي الناس ماتش الاهلي بعد نهاية المعسكر اللي في القاهرة ب٣ ايام المعسكر هينتهي ١٢ و ماتش الاهلي ١٥ عكس الزمالك الماتش كان في نص المعسكر اللي بدأ يوم ٢٠ و اول ماتش مع النيجر ٢٣ و ماتش الزمالك ٢٥ و ماتش ليبيريا ٢٧ و لم يتم السماح للاعبي الزمالك كلهم بالخروج ٢ فقط و كمان لعبوا المباراة الاولي مع المنتخب اللي كانت قبل ٤٨ ساعة فقط من ماتش الزمالك الرسمي و ماتشات المنتخب ودية و مع فرق تصنيف رابع ارحموا عقولنا بلاش اشتغالات و اخيرا ليه معلول و بيرسي تاو و اليو ديناج هينضموا لمنتخبات بلادهم و هيرجعوا ١٢ او ١٣ كفاية تدليس علي الناس
- إلى خبراء اللوائح (مقطع فيديو ردا على عقوبة الأهلي)
- رسالتي لكل اللي بيشتمني وبيغلط فيا وبيقولي ربنا يكملك بعقلك، أنا بفحمكم بكلامي عشان معندكوش رد (مقطع ريلز لجماهير الأهلي)
- معلول وبيرسي تاو وديانج هيشاركوا مع منتخبات بلادهم والأهلي مش عايز لاعيبته المصريين ينضموا للمنتخب!! هو الأهلي نادي وطني وبيمثل مصر ولا…؟! (مقطع فيديو)
- انا شايف القرار العادل و السليم ان ال٤ لاعبين بتوع الاهلي يلعبوا ماتش اثيوبيا فقط و بعدها يروحوا للاهلي عشان ماتش السوبر
- الأهلي بيهاجم اتحاد الكرة المصري بسبب كأس النخبة لكن مايقدرش يفتح بوقه مع الاتحاد الإفريقي ويعترض على دوري السوبر الإفريقي، عقوبات الأهلي فين؟ (مقطع فيديو)
- الفعل واحد لكن النتيجة مش واحدة، هوا دا الفرق لما بينسحب الأهلي والزمالك لما بينسحب (مقطع فيديو)