كرة مصرية

علي لطفي يوجه رسالة مؤثرة للأهلي.. ماذا قال؟

وجه علي لطفي حارس مرمى النادي الأهلي المنتقل لصفوف زد، رسالة مؤثرة لجماهير وإدارة القلعة الحمراء.

وقال علي لطفي عبر حسابه على موقع فيسبوك: “مش عارف ابدأ منين ولا منين بس جوايا مشاعر مش عارف اعبر عنها النهارده اخر يوم ليا في النادي الي كان حلم حياتي اني العب فيه من اول ما بدأت العب كورة”.

وتابع: “النادي الي قضيت جواه احسن ٦ سنين في حياتي حققت في بطولات و انجازات هتفضل وسام علي صدري، ٦ سنين شوفت فيهم كل الحب و الاحترام من كل فرد في منظومة النادي الاهلي ويعلم ربنا اني مقصرتش يوم في حق النادي”.

وواصل: “٦ سنين كان نفسي يبقوا ٣٠ سنه بس دي سنة الحياة”.

وأردف: “وحابب اشكر ادارة النادي بقيادة الاسطوره محمود الخطيب انه تفهم موقفي اني حابب اطلع واشارك لان التواجد في الملعب هي الحاجه الوحيده الي ممكن ترضي اي لاعيب كورة”.

وختم: “ومكنتش هفكر اسيب النادي الاهلي الا لما الاقي مشروع كروي كبير يرتقي لطموحاتي الي اتعودت عليها جوه النادي الاهلي ولقيت كل الي بدور عليه في منظومة نادي ZED المحترمه و المحترفه بما تحمل الكلمه من معاني والله الموفق و المستعان و نسألكم الدعاء بالتوفيق و السداد”.

 

مقالات ذات صلة

زر الذهاب إلى الأعلى