هاجم الإعلامي عمرو أديب، أحمد حسام ميدو عضو اللجنة الفنية لنادي الزمالك، بسبب انتقاده له على خلفية هجومه ضد مرتَضى منصور رئيس الزمالك المعزول بحكم قضائي.
وقال عمرو أذيب: “ميدو طالع يهاجمني، يا ميدو أنا بداية خناقتي مع مرتضى هو أنت يا حبيبي، فاكر ولا افكرك؟ .. لما قالك أنا هعلقك من رجليك في الاستوديو لو طلعت مع عمرو أديب.. فاكر ولا لأ”.
وواصل: “يوميها انا خدت المسؤولية وقولت لأ ميدو هيطلع يتكلم، وفاكر يومها قال عليك ايه؟ وبيحصل فيك إيه؟”.
وواصل” “أنا اتخانقت مع مرتضى من الأول بسببك يا ميدو، جاي النهاردة تقولي انت عندك مشكلة معاه؟ “.
وأردف: “طيب انت فاكر لما كلمتني بعدها قولتلي يا عمرو أنا أصلي هتصالح مع مرتضى أنا مقدرش كل شوية يشتمني وانا داخل البلد وخارج من البلد كل شوية انا مش عاوز حد يشتمني ولا يضايقني”.
الغريب أن ميدو تجاهل تماما الرد على تصريحات عمرو أديب عبر برنامجه الريمونتادا على قناة المحور.
وظهر ميدو مساء الأحد على قناة المحور لمدة ساعتين، وتحدث عن كل ما يتعلق بنادي الزمالك باستثناء تصريحات عمرو أديب، رغم تصدرها التريند.
