وجه مرتضى منصور رئيس الزمالك المعزول بحكم قضائي رسالة مصورة إلى رئيس الأهلي محمود الخطيب، بشأن ما أسماه “الهدية الثانية”.
وقال منصور في الفيديو: “أحترم الزملكاوية الحقيقيين اللي عندهم كرامة وكبرياء، لكن من يسير وراء اشتغالات إمام عاشور لا أهتم بهم”.
وتابع: “بكى إمام عاشور هو ووالدته وشقيقة، لرغبته في الاحتراف، وكان يتبقى في عقده 6 شهور وبعته مقابل 3 ملايين دولار، وفشل في الاحتراف”.
وواصل: “من حرق سيارته ليس جمهور الأهلي كما يقول، الله يرحمك يا منى يافاروق، الرسالة وصلت؟، عمل فيلم اشتغالة وبموت في الزمالك، الواد التافه دا اللي كان جاي شحات”.
وأردف: “إمام عاشور يلعب على مشاعر الجماهي، وقع في الساحل الشمالي في وجود حسام غالي وأمير توفيق وخالد مرتجي، وعايز يهيج جماهير الزمالك عليا، مفيش لاعب يقعد رئيس نادي أو يمشيه”.
وواصل: “أنا علمتك تروح الساحل الشمالي بفلوس النادي وبنيتعمارة بفلوس النادي، السؤال ليه بتعمل كل دا، انت لعب وكنا بنخسر، وبعد ما مشيت في ستين داهية فزنا بكب الماتشات”.
ووجه رسالة لرئيس الأهلي قائلا: “مبروك عليك يا خطيب امام عاشور وزي ما قلت لك قبل كدا هديتي ليك كهربا انا بقولك هديتي التانية ليك امام عاشور علشان يولع فيك، نفس السلوكيات”.
وواصل: “وبعدين مش دا اللي ضرب وليد في ضهره ووقعه في الأرض، مش دا اللي قال على العملاق الكبير صالح سليم كذا وكذا، اقفلوا الصفحة عندنا ماتش مهم بطولة خاصة، واحنا شاغلين نفسنا بعيل هربان، خلاص انت طلقت مراتك تروح تتجوز عربجي تروح تتجوز فراش تروح تتجوز تاجر مخدرات”.
وختم: “النادي الأهلي بيشتري لاعب شاتمه بـ5 مليون دولار”.
ونشر مقطع فيديو لمحمود الخطيب وسيد عبدالحفيظ يتحدثان فيها عن تجاوزات اللاعبين ورفضهما دخول أي متجاوز داخل النادي.