دافع الصحفي معتز الشامي، عن نفسه بعد ما وصفه بـ”التطاول ضده” من بعض على خلفية صدور قرار بعدم إيقاف محمود عبدالمنعم كهربا لاعب الأهلي، أو مطالبته مجلس الزمالك بالرحيل.
وكان الشامي يتبنى شرح ملف عقوبات محمود عبد المنعم كهربا، نظرا لعلاقاته داخل الاتحاد الدولي لكرة القدم “فيفا” بحسب وصفه.
وقال معتز الشامي ردا على منتقدي دعوته مجلس مرتضى منصور بالرحيل: “أقول إن مرتضى منصور استقال وليس معزولا بحكم قضائي لأن العزل يحزنني باعتباره ممثلا لنادي الزمالك”.
وتابع: “هو مفيش في حياتكوا حد نضيف أبدا كله صعب عليك تصدق ان فيه حد نضيف، مينفعش يكون حد بيتكلم لصالح النادي”.
وواصل: “هو انا قبضت منك وانا بدافع عنك كرئيسا يمثل النادي عشان اقبض من غيرك، عيب الكلام الصغير ده، نا اتطلب مني 20 مرة اتواجد في قناة الزمالك وأمسك المنظومة بس أنا أكبر من كدة”.
وتابع: “دعمت حسين لبيب من قبل، ودعمتك دعما للزمالك، ولما اتحبست قبل كده دعمتك وقلت انكم راجعين بالقانون، كنت بدافع عن منظرك كرئيسا لنادي كبير اسمه الزمالك”.
وأردف: “عيب، اتعودوا ان فيه ناس نضيفة وبتحب النادي وبتدعم الزمالك مالهاش مصالح مع حد، انا مع او ضد مش عشان مصلحة شخصية، ولكن عشان الزمالك، افهموا ده كويس”.
وختم: “أنا تجاوزت عن اشياء لو طلعت لايف وحكيتها هقلب الدنيا”.
وانتشر مقطع فيديو لمرتضى منصور رئيس الزمالك المعزول بحكم قضائي يهاجم أحد الأشخاص، قال فيه: “عامل نفسه دكر في أبوظبي، بيقول لو عندهم دم يستقيلوا، انت لو عندك دم متتكلمش، قل لي يامليونير عملت إيه للزمالك؟ ولا حاجة، هوا، فيفا.. طلعت كذاب، قلت المرة دي كهربا حيتوقف حتى لو دفع طول عمره حيفضل موقوف، طلع كل كلامه كذب وهوا في هوا”.
