الساحر رجل بحة، حمله مرتضى منصور رئيس نادي الزمالك المعزول بحكم قضائي، مسؤولية الخسارة من الأهلي برباعي لهدف، والشكل الذي ظهر عليه لاعبيه، فمن يكون؟
بدأ مرتضى منصور الحديث عن رجب بحة قائلا: “في واحد من الفيوم بعتلي الرسالة دي في ساحر في الفيوم اسمه رجب محمد محمد شحاتة الشهير بمحمد بحه هو اللي بيعمل السحر للأهلي وبيدمر لاعبي الزمالك، وقال إنه السبب في رحيل لاعبي الزمالك وكثرة الإصابات بالفريق، وهذا الساحر من بلد سيد عبد الحفيظ”.
اتهامات مرتضى منصور للساحر رجب بحة
قال مرتضي منصور إن ما حدث في مباراة الأهلي والزمالك غير منطقي ولا يمكن تصديقه مشدداً على أن المباراة شهدت أحداثاً غريبة، وأن الأهلي سجل أهدافا سهلة في مرمى محمد صبحي.
وتابع: “الماتش مش طبيعي ده محمد صبحي؟ يتشاط عليه 4 كرات بأربع أهداف، لو الماتش اتعاد مش هيخلص كده”، مضيفا: “هو انا اللي خليت الجن يعور عمرو السيسي بعد ما ركبنا الماتش؟، هوا دا أوسوريو؟، أوسوريو قد كولر 100 مرة”.
وتابع: “في واحد من الفيوم بعتلي الرسالة دي في ساحر في الفيوم اسمه رجب محمد محمد بحه هو اللي بيعمل السحر للأهلي وبيدمر لاعبي الزمالك، وقال إنه السبب في رحيل لاعبي الزمالك وكثرة الإصابات بالفريق، وهذا الساحر من بلد سيد عبد الحفيظ”.
وشدد مرتضى منصور على أن الأهلي لا يستطيع الفوز عليه، مضيفا: “شاطوا على العارضة وخبطت فيها، والزمالك شاط في نفس المكان يبقى السحر كان في هذا المكان”.
وختم: “الشناوي مصدش حاجة فيه حد بدل منه بيصد، وبرافو عليك يا سيد عبدالحفيظ.. لو ماتش كورة نفوز على الأهلي بسهولة، ولكن ساحر الفيوم بلد سيد عبد الحفيظ، هو سبب انتصاراتهم من يوم مباراة صن داونز”.
من هو رجب بحة بطل رواية مرتضى منصور؟
ظهر رجب بحة في مقطع فيديو على موقع التواصل الاجتماعي فيسبوك، برفقة بعض محبيه وأصدقاءه، للرد على اتهامات مرتضى منصور.
وقال رجب بحة: “أقسم بالله حرام الاتهام ده أنا راجل حافظ كتاب الله والسحر شرك بالله، ليه الاتهام ده وأنا راجل لدي أولاد وبنات في سن الزواج”.
وتابع رجب بحة: “سيادة المستشار متهمني بالباطل إن أنا بسحر، وأنا راجل أمي لا بعرف أقرأ ولا أكتب ولا بعرف أعمل حاجة، وقسمًا بالله العظيم، قسمًا بالله العظيم مرة تانية، إني ما بعرف أعمل الحاجة دي، واللي بيعملها بيقي مشرك بالله”.
وواصل رجب بحة: “أنا راجل شغال بنا عامل بإيدي، شغال أرزقي، ولو تيجي تتفرج على المعيشة اللي عايشينها، وبيتي إللي عايش فيه، مش هترضاه لنفسك، وسمعتي وسمعة ولادي، كده غلط وكده ما ينفعش، وحرام عليك لما تشوه سمعتي بالطريقة دي، ومعايا عيال وبنات على وش جواز، وأنا حافظ قرآن”.
وتحدث عدد من أصدقاء رجب بحة عن تصريحات مرتضى منصور، حيث قال أحدهم ساخرا: “هل هذا الرجل هو اللي خلي الواد يقلش وتتغلب 4.. لاعيبتك تعبانة”.