كشف أحمد حسام ميدو نجم الزمالك السابق عن مفاجأة تتعلق بلاعب ميتلاند الدنماركي إمام عاشور.
وكان إمام عاشور انتقل مطلع العام الحالي من الزمالك للدوري الدنماركي، لكن تقارير ربطته بالعودة للدوري المصري من جديد، وتحديدا النادي الأهلي.
وقال ميدو في بث عبر حسابه على موقع إنستجرام: “والد زوجة إمام عاشور كلمني وطلب مني عودة اللاعب للزمالك”.
وتابع: “إمام كلمني الجمعة اللي فاتت قولتله ابعت لميتلاند وبلغهم بكده رسمي لكن اللاعب رد وقال انا عندي عروض وهشوف الأفضل ليا”.
وواصل: “امبارح العصر فوجئت إن إمام بيكلم ناس في الزمالك وبيراميدز وبيقولهم اتحركوا وخلصوني”.
وختم: “كلمت ناس في ميتلاند بلغوني إن إمام وقع للأهلي بشكل رسمي من ٤ أيام ومعرفش اللاعب بيكلم الزمالك وبيراميدز ليه طالما وقع، ممكن تكون مشكلة نفسية عنده وعايز يحس إن كل الناس عايزاه”.
