كرة مصرية

وصلت للخيانة.. إعلام الزمالك يفتح ملف إمام عاشور.. وخالد الغندور يتحول للأهلي

هاجم صحفيون ومراسلون يغطون أخبار نادي الزمالك، الإدارة بسبب صفقة انتقال إمام عاشور إلى النادي الأهلي.

وكان إمام عاشور غادر القلعة البيضاء في يناير الماضي نحو ميتلاند الدنماركي، لكنه لا يرغب في الاستمرار مع الفريق، مفضلا العودة للدوري المصري.

ورفض الزمالك في وقت سابق استعادة اللاعب، وقال مرتضى منصور رئيس النادي المعزول والذي يتولى الإشراف على لجنة التعاقدات لجماهير الفريق: “اجمعوا 5 ملايين دولار لنبرم الصفقة مع اللاعب”.

وربطت تقارير صحفية بين إمام عاشور وناديي بيراميدز والأهلي، لكن الأول نفى وجود أي نية لشراء عقده، الذي لن يقل بأي حال من الأحوال عن 3 ملايين دولار دفعها النادي الدنماركي لضمه في يناير الماضي.

ومع تزايد الأنباء عن اقتراب إمام عاشور من الانضمام للمنافس التقليدي الأهلي، علق مرتضى منصور قائلا: “أنا جبت اللاعب بـ10 ملايين وبعته بـ90، أنا خدت حقي”.

لكن صحفيون اعتبروا أن انتقال إمام عاشور للنادي الدنماركي أهدر أية حقوق لاحقة لنادي الزمالك، خاصة نسبة إعادة البيع، وقال أحمد خيري في هذا السياق: “صفقة إمام عاشور للأهلي بتبين ازاي الزمالك بيتباع وبيتخان.. هو فيه كدا لاعب زي ده يتساب بالسهولة دي، هل الأمر هيعدي كدا؟ .. الموضوع مش مظبوط “.

وواصل: “دي مش شطارة من الأهلي.. دي خيانة من اللي بيديروا الزمالك، إمام ده 25 سنة أساسي في منتخب مصر أحسن لاعب وسط ملعب على الساحة حاليا .. وجدد عقده مع اللجنة يعني انت مش هتتعب في حاجه ليه تمشيه كدا وتدي للمنافس لاعب هيكون أحسن لاعب لسنوات”.


وفي السياق ذاته قال هاني عصام: “حقيقي اللي بيحصل في موضوع إمام كارثة بكل المقاييس من العبقري وصاحبه، بداية من جلب العرض عن طريق شركتهم اللي فتحوها من سنتين ورخصتها من الإمارات والمكتب مكانه دلوقتي التجمع، ووضع نسبة 20% إعادة بيع لصالح الشركة وليس لصالح النادي في سابقة تاريخية الأولى من نوعها في عقد بيع أي لاعب”.

وواصل: “إقناع اللاعب طوال الفترة الماضية بعدم العودة والانتقال للنادي الآخر وطبعا عشان خاطر ياخدوا النسبة، خد بقا التقيلة في بند في العقد الأولوية لينا حال قرار اللاعب بالعودة لكن طبعا مفيش أي عرض رسمي هيتقدم”.


وقال أحمد عيد عبدالملك نجم الزمالك السابق: “إمام عاشور لاعيب مهم ومكسب لاي فريق داخل افريقيا عموماً ومن اهم اللاعيبة او اهمهم في مركزه، بس طريقة رحيله ورفضه حتي تكملة الموسم عليها مليون علامة استفهام حتي رفض ان يكون في نسبة اعادة بيع للزمالك واتحطت للشركة الي مطلعاه دي بردو حاجة مش مفهومة !”.

وواصل: “السبب في كل ده والي خطط و رسم لكل ده والي وافق علي كل ده عمره ما كان زمالكاوي طبعاً !!اكيد طبعاً امام مشارك في القصة كلها ومش بريئ طبعاً هو كمان ..القصة ان احنا مش مع حد ولا ضده احنا مع الزمالك ومصلحته ومصلحة الزمالك مش مع اي حد من الموجودين قولاً واحداً !!”.

خالد الغندور يتحول للأهلي

ولم يشارك الإعلامي الزملكاوي خالد الغندور في هذا الأمر، وانتقل للحديث عن صفقات النادي الأهلي من خلال عدة منشورات على حسابه على موقع التواصل الاجتماعي فيس بوك.

وقال خالد الغندور: “دلوقتي في سيناريو بيتعمل للإعلان عن صفقة اللاعب المنتظر و هيتصور و فيه لاعب اعتزل هيكون موجود في البرومو اللي بيتم تصويره”.

وفي تغريدة لاحقة قال خالد الغندور:”الأهلي يتواصل مع التعاون من اجل شراء مصطفي فتحي المعار لبيراميدز”.

ولم يفوت صفقة انتقال إمام عاشور للأهلي، وأدلى بدلوه قائلا: “الصفقة ستنتهي مقابل ٣ مليون و ٥٠٠ الف دولار و الخلاف علي دفع ٢ مليون و جدولة المبلغ الباقي لحاجة النادي لسيولة دولارية و الاتفاقات بين امير توفيق و يحيي علي وكيل اللاعب مع النادي الدنماركي”.

مقالات ذات صلة

زر الذهاب إلى الأعلى