على صفيح ساخن يعيش الزمالك خلال الساعات الماضية، خاصة بعد انتقادات مرتضى منصور رئيس النادي المعزول بحكم قضائي ضد محمود عبدالرازق شيكابالا قائد الفريق، والبيان الذي أصدره الأخير للرد عليه.
وكان مرتضى منصور أعلن رحيله وولديه عن نادي الزمالك بشكل نهائي، لكنه عاد وعقد اجتماعا مع مجلس الإدارة ولكن في منزله.
أزمة أحمد مرتضى منصور وأيمن يونس
أيمن يونس نجم النادي السابق نشر تغريدة عبر حسابه على موقع إكس قال فيها: “الساده أعضاء المجلس المتبقين ..اذا كان لديكم ذره حب متبقيه جوه قلوبكم لنادي الزمالك ..فاستقيلوا حتي نتذكر لكم موقف جيد ..و كفااااايه بجد”.
وأضاف: “أما عن شيكابالا الاسطوره المخلص ابن نادينا جينات .دم ..روح .ف انا اشهد لك انك في كل مواقفك كنت عاشق للزمالك و جماهيره ..بدون مزايدات”.
وعلق أحمد مرتضى منصور عضو مجلي إدارة الزمالك قائلا: “استقيل ليه ؟! يا كابتن أنا واخد بطولات اكتر من حضرتك ١٠ مرات سواء عندما كنت لاعب أو إداري”.
وأضاف: “هل منطقي لو في اخفاق موسم واحد استقيل؟. للأسف الكلام بيكون قدام الناس كلام وفي الغرف المغلقه كلام تاني”.
وختم: “كابتن ايمن عندنا شغل اكتر من الكلام لو حابب تساعد تشرف دا نادينا كلنا لحضرتك كل الاحترام”.
أحمد عيد عبدالملك يعدد بطولات مرتضى
ورد أحمد عيد عبدالملك لاعب الزمالك السابق على تغريدة أحمد مرتضى منصور، معددا (بسخرية) بطولات مرتضى منصور، قائلا: “وقف القيد.. فشل في تجديد عقود نجوم الفريق ..بيع نجوم الفريق ..بيع اهم لاعب في مركزه بدون نسبة اعادة بيع ورجوعه علي المنافس ..١٠ سنين مخدتش دوري ابطال الي كابتن ايمن معاه منه ٣ “.
وواصل: “وابوك الي بيخوض في اعراض الناس واللاعيبة الي في النادي ..فرع ٦ اكتوبر الي روحت اتصورت جنب الونش وجيت ..النادي الي بقي ١٠٠ الف عضوية ومحدش بيعرف يقعد فيه “.
وتابع: “ده حتي فشلت تظبط المنبه تصحي اخوك يدفع غرامة اتشيمبونج وصحيته علشان يتكتك لبابا في الانتخابات ..هو انت عمرك اخدت قرار او اي حد معاك يقدر ياخد قرار انتو صورة بس !”.
وختم: “ادخل بقي كدة علي كلامك ده لكابتن ايمن الي محدش ينفع يتقارن برباط جزمته ودمه الي كان بيسيل في الماتشات علشان يعمل تاريخ للنادي وشوف رد فعل الناس لو لقيت ١٠ معاك من الجمهور يبقي انت الكسبان”.
خالد الغندور ينتقد شيكابالا
من جهته انتقد خالد الغندور عبر قناة الزمالك، قائد الفريق محمود عبدالرازق شيكابالا، بسبب بعض الكلمات داخل بيانه.
وقال الغندور: ” على أرض الواقع مرتضى منصور بره النادي وبيشتغل كمحب، بس الجملة اللي قالها شيكابالا إنه الرئيس السابق مينفعش تتقال”.
